قسمطينة زينة لحواضر

 

· قسنطينة زينة لحواضر

 

قسنطينه مدينة الجسورْو الهوا

بها قلبي شغافـــــو تنكـــــــــــــــــوى

زينة لحواضرْ يا ناسْ بالفمْ ولملا

أهل قسنطينه دار الجودْ و  الوفا

أهل التبسيمــــــــــه للصديقْ والعَدا

 

قصر الباي بدر يترنّحْ في السّما

الرخام و المرمرْ والقبَبْ و البها

في السّويقه توارخ كبارْ ما تنمحى

السيّده و البطحه و العماره لا تنسى

نصبوا اعلام الخير والندى

النّعمه لعزيزه و الخيورْ والكفا

دروج الرّمّاحْ سلبتْ قلبي والحْجَا

كالرّيم بالفتله والمجبود مصدْرا

الشموعْ تلالي و العطورْ والحنّا

حليب البقرة والذبـــــــــــــــول تدّلى

خبز  الدار بالعمـــــــــــاره و الهنا

والمعندونس في عيونْ الشرْ ينطفى

رشُّوا الماءْ يا حاضرين ينكسفْ

وهْج ْلَحسد ويلوحْ النّور والسّنا

سيدي راشدْ والوَليا أهل الصفا

 تاجك لكبيرْ يا مدينة الهــــــوى

بن باديسْ قنديلْ يتوهّجْ في السّما

للعقول إيـــــداوي للنفـــوس اشفا